Уның менән «Рәсәй - минең тарихым» музейында танышырға мөмкин. «Вируслы тормош» проектын Мәскәүҙәге Политехник музейы менән Милли иммунобиологик компанияһы әҙерләгән. Күргәҙмәлә кешелек тормошоноң төрлө осоронда булған вирустар һәм эпидемиялар хаҡында, улар менән көрәшеү ысулдары менән танышырға була. Экспозицияларҙың күбеһе Ковид-19 пандемияһына бәйле. Быға тиклем ул Мәскәү халҡына күрһәтелһә, киләһе йылдың февраленә тиклем Рәсәйҙең 22 ҡалаһында тәҡдим ителәсәк.
Үҙенсәлекле күргәҙмә менән Нуриман районының Красная горка мәктәбе уҡыусылары ла танышты. Уларҙың класс етәкселәре белдереүенсә, балаларҙың күбеһе киләсәктә медицина һөнәрен һайларға теләй. Шуға күрә күргәҙмә уҡыусыларҙа ҙур ҡыҙыҡһыныу уятҡан. Күргәҙмә 18 декабргә тиклем эшләй, инеү бушлай.
