Был турала Радий Хәбиров социаль селтәрҙәге сәхифәләрендә яҙып сыҡты. Сәнәғәт хеҙмәткәрҙәре көнө Башҡортостанда тәүге тапҡыр уҙғарыла. Республика башлығы тармаҡ предприятиеларында эшләүселәрҙең һәр береһенә фиҙаҡәрлеге өсөн рәхмәт белдерҙе. Ныҡышмал хеҙмәтегеҙ Башҡортостан иҡтисадын нығыта, республика һәм илебеҙҙең киләсәген тәьмин итә.
Башҡортостан башлығы сәнәғәтселәрҙең хәрбиҙәргә ярҙам күрһәтеүҙә, махсус хәрби операция өсөн әйберҙәр етештереүҙә, гуманитар ярҙам туплауҙа төп көс булыуын билдәләне. Башҡортостандың тулайым төбәк продуктының өстән бер өлөшө сәнәғәткә тура килә. Башҡортостан күп өлкәләрҙә алдынғы, был өҫтөнлөктө артабан да үҫтереү мөһим, тигән Радий Хәбиров. Икенсе йыл рәттән республика сәнәғәт сәйәсәтен уҙғарыу буйынса Рәсәйҙә иң яҡшы төбәк булараҡ таныла. Башҡортостандың сәнәғәтте үҫтереү фонды Рәсәйҙә иң ҡеүәтле 5 фонд исемлегендә.
