«Башҡортостан» дәүләт концерт залында «Өфө тулҡыны»ның 11-се миҙгеле тамамланды. Быйыл традицион номинациялар менән бер рәттән «Радиохит» һәм «Иң яҡшы видеоклип» еңеүселәре лә тәбрикләнде. Һәр еңеүсегә 50-шәр мең һум аҡса тапшырылһа, «Халыҡ һайлауы» премияһына лайыҡ булыусы 100 мең һумлыҡ сертификат менән бүләкләнде.
Финалда иң күп мәрәй йыйып, 10 йәшлек Рамаҙан Биккинин еңеү яуланы. Ул конкурстың символы - «Алтын скрипка асҡысы» статуэткаһы һәм 250 мең һумлыҡ аҡсалата сертификатҡа лайыҡ булды.
