Рәсәй йәштәренә грант ярҙамында «Арт-фестиваль». «Йәшә. Ярат. Ижад ит» сәнғәт фестивале баш ҡалабыҙҙа йәштәр сәйәсәте ҡанаты аҫтында эшләүсе студияларҙа һәм клубтарҙа шөғөлләнгән ижади көстәрҙе йыйҙы. Ҡыл ҡәләм оҫталары, бейеү сәнғәтен үҙ итеүселәр, драма түңәрәктәрендә шөғөлләнеүселәр, йырға һәләтле балалар һәм үҫмерҙәр һәр береһе үҙ йүнәлешендә яңы мөмкинлектәр менән танышты, остаздарҙың оҫталыҡ дәрестәрендә тәжрибә тупланы.
