Указға республика башлығы ҡул ҡуйған. 45 йәшлек Александр Клебанов Мәскәүҙә тыуған, Башҡортостанға Пермь өлкәһенән күсеп килгән. Быға тиклем ул транспорт һәм юл хужалығы министры урынбаҫары вазифаһында эшләгән. Хәтерегеҙгә төшөрәбеҙ, ведомство етәксеһе урыны ноябрь аҙағынан буш ине. Элекке министр Александр Булушев был вазифаны 2021 йылдың июненән биләгән.
