Башҡортостан Ғаилә, хеҙмәт һәм халыҡты социаль яҡлау министры Ленара Иванова ошо турала белдерҙе. 20 мең һум мобилизацияланған ир-егеттәр һәм уларҙың ғаилә ағзаларына ҡаралған. Аҡса яугирҙәрҙең банк иҫәбенә күсерелә. Хәрбиҙәрҙең ғаилә ағзалары халыҡты социаль яҡлау органдары, Күп функциялы үҙәк йәки дәүләт хеҙмәттәре порталы аша ғариза бирергә тейеш.
Мобилизацияланыусыларҙың ғаиләһенә ҡаралған социаль ярҙам 30-ҙан ашыу өлөштән тора. Уларҙың күбеһе 1 ноябрҙән көсөнә инде. Ярҙам саралары менән бер урында – Телеграм каналда булдырылған чат-ботта танышырға мөмкин. Ситуация үҙәгенең телефоны: 8 (347) 218-19-19. Шылтыратыуҙар көн һайын иртәнге сәғәт 8-ҙән киске 8-гә тиклем ҡабул ителә.
