Мобилизацияланған ир-егеттәр һәм уларҙың ғаилә ағзаларына ҡаралған 20 мең һум түләүгә заявкалар тапшырыу дауам итә. Ғаилә, хеҙмәт һәм халыҡты социаль яҡлау министры Ленара Иванова белдереүенсә, Күп функциялы үҙәктәр аша – 264, Дәүләт хеҙмәттәре порталына 187 документ бирелгән, ҡалғандары социаль хеҙмәтләндереү үҙәктәрендә ҡалдырылған. 20 мең һум мобилизацияланған ир-егеттәргә, уларҙың тормош иптәштәренә, бәлиғ булмаған балаларға һәм көндөҙгө бүлектәрҙә уҡыған 23 йәшкә тиклемге студенттарға ҡарала. Аҡса 26 декабргә тиклем күсерелергә тейеш.
