Быйыл 20 бүлек модернизацияланған. Уларҙа ремонт үткәрелгән, төпкөл урындарҙа мөһим булған хеҙмәттәр барлыҡҡа килгән. Бүлексәләрҙә мөмкинлектәре сикле кешеләр өсөн уңайлыҡтар булдырыла, пандустар урынлаштырыла, белгестәрҙе саҡыртыу төймәһе ҡуйыла. ““Рәсәй Почтаһы” вәкиле Александр Вакуленко менән Благовещен районы Бедеева Поляна ауылында яңыртылған элемтә бүлеген ҡараныҡ. Бында дәүләт хеҙмәттәре алырға була. Медицина приборҙары ла бар. Бүлексәгә капиталь ремонт яһалған. Кешеләрҙең именлегенә лә ҙур иғтибар бирелә”, - тип яҙған социаль селтәрҙәге сәхифәһендә Башҡортостан хөкүмәте вице-премьеры Ирек Сәғитов. Почта бүлексәләрен яңыртыу программаһы бер нисә йылға иҫәпләнгән.
