Борис Эйфмандың балет театры тамашасыға бер түгел, ике тамаша тәҡдим итте. «Анна Каренина» менән «Роде́н: ее вечный идол» балеттарын Өфө тамашасыһы аншлаг менән ҡабул итте. Тәүге классик спектакль күптәргә билдәле булһа, икенсеһе скульптор Огюст Роде́н һәм уны илһамландырыусы йәш ҡыҙҙың мөнәсәбәте тураһында. Ике тамаша ла «Иң яҡшы балет» номинацияһында «Алтын битлек» театраль премияһына лайыҡ булған.
Әйткәндәй, гастролдәр Борис Эйфман театрының 45 йыллыҡ юбилейы айҡанлы ойошторолған. Ул бер ай дауам итә. Төньяҡ баш ҡала артистары тағы ла Төмән, Екатеринбург, Силәбе, Ҡазан һәм башҡа ҡалаларҙа сығыш яһаясаҡ.
