Мәжит Ғафури исемендәге Башҡорт дәүләт академия драма театры “Серле Ҡыш бабай” Яңы йыл хәйриә акцияһын иғлан итте. Театр “Серле Ҡыш бабай” ролен башҡарып, балаларға әкиәт бүләк итергә тәҡдим итә. Бының өсөн кассала Яңы йыл әкиәттәренә билет һатып алып, уны махсус йәшниккә һалып ҡалдырырға кәрәк. Мөғжизәле билеттар етемдәргә, социаль-реабилитация үҙәктәрендә тәрбиәләнеүселәргә, аҙ тәьмин ителгән ғаиләләргә, мөмкинлектәре сикләнгән балаларға бүләк ителәсәк, ти театрҙың реклама һәм маркетинг бүлеге етәксеһе Ирина Захарова.
Башҡорт драма театрында Яңы йыл тамашалары 21 декабрҙә башлана һәм 8 ғинуарға тиклем дауам итә.
