Республика менән идара итеү үҙәгендә үткән оператив кәңәшмәлә Һаулыҡ һаҡлау министры Айрат Рәхмәтуллин медицина ярҙамын күрһәтеү шарттары менән таныштырҙы. Табипҡа яҙылыу хеҙмәтен күрһәтеү сифатын баһалау буйынса күҙәтеү төркөмө ойошторолған. Поликлиникалар һәм контакт-үҙәк эше оҙайтылған, ял көндәрендә табипты өйгә саҡыртыу буйынса өҫтәмә хеҙмәт ойошторолған, дауаханаларға ярҙамға йәш белгестәр ебәрелгән.
