Өфө вуздарында белем алыусы йәштәр тәҡдим ителгән проекттарын киләһе йылға ғәмәлгә ашырырға ниәтләй. Студенттар экология, ауыл хужалығы, эшҡыуарлыҡ, коммуникация, патриотик тәрбиә һәм башҡа йүнәлештәрҙә проект яҡлап финанслауға өлгәште.
Студенттарға ярҙам программаһы Евразия фән һәм мәғариф үҙәге тарафынан бойомға ашырылды. Республиканың төрлө вуздарынан ҡабул ителгән 400 заявка араһында 32 проект еңеүсе тип табылған. Студенттарҙың башланғыстарын тормошҡа ашырыу өсөн 7 млн һум аҡса йүнәлтелде.
