Рәсәй Президенты Стратегик үҫеш һәм милли проекттар буйынса совет ултырышын үткәрҙе. Унда дәүләт башлығы юғары белем биреүҙе үҫтереү мәсьәләһенә лә туҡталды. Владимир Путин әйтеүенсә, илдә алдағы йылдарҙа яңы 25 студент ҡаласығы төҙөлә.
Өфөлә Евразия фәнни-мәғариф үҙәге студент кампусын төҙөү буйынса әҙерлек эштәре тамамланды. Халыҡ-ара бизнес аҙналығы барышында Республика Хөкүмәте һәм “Эталон” төркөмө араһында концессион килешеүгә ҡул ҡуйылды. Студент ҡаласығы 2026 йылға файҙаланыуға тапшырылырға тейеш.
