Йыл аҙағына тиклем Башҡортостанда 3 миллион квадрат метр торлаҡты файҙаланыуға тапшырыу ҡарала. “Был ғына етмәй. Республика ҡалаларын үҫтереү өсөн яңы майҙандар тураһында уйларға кәрәк”, - тине Радий Хәбиров.
Киләһе йылда республикала алданған өлөшсөләр проблемаһын тулыһынса хәл итеү ҡарала. 2030 йылға “Торлаҡ һәм ҡала мөхите” милли проекты күрһәткесенә ирешеү – йыл һайын 4 миллион квадрат метр торлаҡ төҙөү маҡсаты ҡуйыла.
