Юбилей уңайынан ойошторолған осрашыуға педагогтар, тәрбиәселәр, белем биреү учреждениеһын төрлө йылдарҙа тамамлаусылар йыйылды. Байрамда үҙенсәлекле балаларға белем биреүсе лайыҡлы уҡытыусыларға Калинин районы, Башҡортостан Фән һәм мәғариф министрлығының Рәхмәт хаттары, Маҡтау ҡағыҙҙары тапшырылды.
Насар ишетеүселәр һәм һаңғырауҙар донъяһын сағыу буяҙар менән байытыусы мәктәп -интернатҡа Динис Йоносов күңел түрендә рәхмәт тойғоларын йөрөтә. Мәктәп-интернат уҡытыусылары тырышлығы менән ул белемгә эйә булған. Программистҡа уҡып сыҡҡан, әлеге ваҡытта УМПО-ла эшләй.
