Эколог, Башҡортостандың атҡаҙанған төҙөүсеһе Миҙхәт Хәсәнов шундай фекерҙә. Ул тыуған яғы – Ауырғазы районында, шулай уҡ республиканың башҡа төбәктәрендә лә балыҡтарҙы ҡотҡарыу буйынса акциялар ойоштора. “Балыҡтар боҙ ҡатламы аҫтында тонсоҡмаһын өсөн мәкеләр уйырға кәрәк”, - ти эколог.
Миҙхәт Хәсәнов тыуған яғында 6 күлде таҙартыуҙы ойошторған. “Беҙ яр буйҙарына эрбет ағастары ултыртабыҙ. Акцияларҙа балалар һәм йәштәр ихлас ҡатнаша”, - ти эколог.
