Был турала финанс йыл йомғаҡтарына арналған Республика Хөкүмәте ултырышында белдерелде. Уҙған 11 айҙа дәүләт ҡаҙнаһына төшкән килем 244 миллиард һумға еткән. Республика бюджеты үтәлешендә ыңғай динамика күҙәтелә, тине Хөкүмәт Премьер-министры Андрей Назаров.
Кәңәшмә барышында ҡаты коммуналь ҡалдыҡтарҙы транспортлау өсөн махсус техника алыуға сығымдарҙың бер өлөшөн дәүләт ҡаҙнаһынан ҡапларға тигән тәҡдим булды. Был проект төбәк операторҙарының фандоматтар, ҡалдыҡтарҙы айырыусы комплекстарҙы алыуға йүнәлтелгән сығымдарҙы 40 процентҡа ҡаплаясаҡ.
