Ошо уңайҙан тармаҡ хеҙмәткәрҙәрен Башҡортостан башлығы ҡотланы. Республиканың энергетика өлкәһендә 25 меңдән ашыу кеше эшләй. Төбәк энергосистемаһы илдә иң үҫешкәндәрҙең береһе. Радий Хәбиров билдәләүенсә, төбәктә тармаҡ ҡеүәтен арттырыу, электр энергияһы менән өҙлөкһөҙ тәьмин итеү тураһында хәстәрлек күреү дауам итәсәк.
Тармаҡ алдында энергетика ҡорамалдарын модернизациялау, яңы подстанциялар һәм электр тәьминәте үҙәктәре төҙөү, электр селтәрҙәре һуҙыу бурыстары тора. Шулай уҡ Ураль аръяғы райондары энерготәьминәте буйынса күләмле мәсьәләләрҙе хәл итәһе, гидроэнергетика үҫеше планында һөҙөмтәгә ирешәһе бар, тип белдергән төбәк етәксеһе.
