Был туралағы тәҡдим Өфөлә үткән республика «Урал батыр» эпосы көндәрендә йәнә күтәрелде. Ике көн дауам иткән форум Башҡортостан ғалимдары, йәмәғәт ойошмаһы вәкилдәре, киң мәғлүмәт саралары хеҙмәткәрҙәре ҡатнашлығында ойошторолған түңәрәк өҫтәл менән тамамланды.
Ултырышта башҡорт халыҡ эпосын уҡыу-уҡытыу программаһына индереү мәсьәләләре ҡаралып, резолюция ҡабул ителде. Ул яҡын көндәрҙә Башҡортостандың мәғариф һәм фән министрлығына тапшырыласаҡ.
