Башҡортостан башлығы 25 йәшкә тиклемге эшҡыуарҙарға бизнес алып барыу өсөн гранттар тураһында социаль селтәрҙә яҙып сыҡты.
Федераль ярҙам суммаһы 100 мең һумдан ярты миллион һумға барып етә. Республиканан грант алыусыларҙың береһе Диана Ибраһимова. Күмертауҙа йәшәгән йәш эшҡыуар ҡала хакимиәте ярҙамында конкурста ҡатнашыуға документтар йыйған. Уҙған йәй ул дәүләттән субсидия алып, бахиллалар етештереү буйынса бизнес асҡан. Әле ҡыҙ айына 100 мең парға тиклем тауар етештереп һата.
Радий Хабиров эш башлап тороусы эшҡыуарҙарға уңыштар теләп, уларға бизнес-шерифтарға ҡабул итеүгә республиканың инвестиция порталы аша яҙылыу мөмкинлеге тураһында иҫкәртте.
