Мәләүез йылғаһы яр буйын төҙөкләндереү проекты «Бөтә Рәсәй уңайлы ҡала мөхитен булдырыу буйынса иң яҡшы проекттар конкурсы»нда еңеү яуланы.
Етенсе тапҡыр уҙғарылған сараға Рәсәй төбәктәренән 194 заявка ҡабул ителгән. Комиссия Башҡортостан ҡалаларын үҫтереү институты әҙерләгән «Мәләүездең сәскәле яры» проектын иң яҡшыһы тип таныған. Йылға буйын төҙөкләндереү өсөн Мәләүез ҡалаһы 100 миллион һум аҡса аласаҡ.
Рәсәйҙең Төҙөлөш министрлығынан билдәләүҙәренсә, алты йыл эсендә Бөтә Рәсәй уңайлы ҡала мөхитен булдырыу конкурсына Башҡортостандан 51 заявка бирелгән. Уларҙың 26-һы еңеүсе исеменә лайыҡ булған. 2019 йылдан алып йәмәғәт урындарын үҫтереү буйынса республикаға 2 миллирд һумдан ашыу аҡса йәлеп ителгән.
