Беҙҙең республика йәштәр һәм социаль бизнесты үҫтереүгә йәлеп ителгән федераль аҡса күләме буйынса илдә беренсе урын алған. Эшҡыуарлыҡ һәм туризм министрлығынан хәбәр итеүҙәренсә, проекттар өсөн дәүләт ҡаҙнаһынан 132 миллион һум йүнәлтелгән. Эшҡыуарҙар мәғариф, һаулыҡ һаҡлау, социаль хеҙмәттәр, сауҙа, мәҙәниәт һәм спорт өлкәләрендә шөғөлләнә. Быйыл да бизнесмендарға грант бирелә. Бының өсөн 209 миллион һум бүленә.
