Республикала “Ауыл тренеры” программаһы буйынса түләү бер миллион һумға күтәрелә. Башҡортостан Хөкүмәте вице-премьеры Ирек Сәғитов шулай тип белдерҙе.
2022 йыл Башҡортостан спортсылары өсөн уңышлы булды. Республикала спортты үҫтереүгә артабан да етди иғтибар була, тине Ирек Сәғитов.
Ирек Сәғитов Башҡортостан халҡын 1 ғинуарҙа “Вәғәҙәләр уҙышында” ҡатнашырға саҡырҙы. Марафон Өфөнөң "Каруанһарай" сауҙа үҙәге янында көндөҙгө сәғәт 12-лә башлана. Яңы йыл иҫәбе буйынса 2 мең 23 метр араға йүгереү ҡарала.
