Эш аҙнаһы башланыуға урамдар һәм юлдар ҡар ҡамауынан тулыһынса таҙартылып бөтөргә тейеш. Баш ҡала хакимиәте башлығы Ратмир Мәүлиев махсус хеҙмәттәр алдында ошондай бурыс ҡуйҙы. Әлеге ваҡытта улар көсәйтелгән режимда эшләй. Дәүләт торлаҡ инспекцияһы хеҙмәте лә таҙартыу эштәрен көйләүҙе етди контролдә тота. Йәмәғәт хәүефһеҙлеге үҙәге юл торошона ҡарата даими тикшереүҙәр үткәрә. Әммә юл йөрөүселәрҙең дә фекере төрлөсә.
