Уҙған төндә Өфө-Дим метеостанцияһында термометр бағаналары 39 градусҡа тиклем түбәнәйеп, һуңғы 49 йылда яңы температура рекорды теркәлде.
1974 йылдың ошо уҡ төнөндә Өфөлә 37, 9 градусҡаса һыуытҡан булған. Башгидрометүҙәк мәғлүмәттәренә ярашлы, Өфө-Гидрометүҙәк посында уҙған төндә термометр бағаналары 33 градус тирәһе һыуыҡ күрһәткән.
Дөйөм алғанда, республика буйынса иң түбән температура күрһәткестәре 33 градустан 39 градусҡаса арауыҡта күҙәтелгән. Айырым көнсығыш райондарҙа 27-30, Мәләүездә - һәм Туҡанда 40 градустан ашыу һыуыҡ булған. Өфөнөң Калинин районындағы Карпов ҡасабаһында йәшәүселәр таңғы сәғәт биштә һауа температураһының 42 градусҡа тиклем түбәнәйеүен теркәгән.
