Тейешле документ Рәсәйҙең Сәнәғәт һәм сауҙа министрлығы тарафынан 2022 йыл аҙағында ҡабул ителгән. Комплекс республика һәм Волга буйы төбәктәрендә урынлашҡан 9 предприятиены берләштереп, ит, һөт ризыҡтарын эшкәртеү, мал аҙығы етештереүҙән алып, һаҡлау һәм һатыу кеүек бурыстар менән шөғөлләнәсәк. Төп маҡсат - кластерҙың башҡа ҡатнашыусылары етештергән сеймал, материалдар иҫәбенә сит ил продукттарынан баш тартыу һәм яңы предприятиелар төҙөү. Кластер сиктәрендә етештереүселәргә федераль субсидиялар, ташлама алыу ябайлашып, төбәк кимәлендә уларҙың проекттары өҫтөнлөклө һаналасаҡ.
Планлаштырылған объекттар яҡынса 41 миллион һумға баһалана. Комлекстың төп резиденты - «Таврос» компаниялар төркөмө. Ул Шишмә шәкәр заводы, 1-се Дәүләкән иген продукттары комбинаты, «Башҡортостан ит компанияһы» кеүек бер нисә төбәк предприятиеларын берләштерә.
