Һаулыҡ һаҡлау министры Айрат Рәхмәтуллин хөкүмәттә оператив кәңәшмәлә шулай тип билдәләне. 2 ғинуарҙан белгестәр халыҡтан 32 меңдән ашыу шылтыратыу ҡабул иткән. Поликлиникалар оҙайтылған тәртиптә эшләне. Ял көндәрендә 6 меңгә яҡын кеше коронавирустан ҡабат прививка яһатҡан. Бынан тыш, Өфө табиптары Ауырғазы, Стәрлебаш һәм Ишембай райондарында халыҡты ҡабул итте. Медицина белгестәре 400-ҙән ашыу пациентты ҡараған һәм ҡайһы берҙәрен дауалауға ебәргән.
