“Ул Республиканы күп күрһәткестәр буйынса алдынғы төбәктәр рәтенә индереүгә өлгәште. Хеҙмәт кешеһе булды”. Иҡтисад фәндәре докторы Зифҡәт Сәйетғәлиев Мортаза Рәхимовтың вафатынан һуң шулай тип белдерҙе. “Беренсе Президент Башҡортостандың артабанғы үҫеше өсөн ныҡлы нигеҙ һалды. Ауыл хужалығына етди иғтибар бүлде. Бөгөн был тармаҡтың ҡеүәтле булыуында Мортаза Рәхимовтың өлөшө ҙур ”, - тине ул.
Мортаза Рәхимов менән хушлашыу сараһы иртәгә үтә.
