Белорет районынан ун бала «Төнгө бүреләр» мотоклубы тарафынан Мәскәүҙә ойошторолған Яңы йыл тамашаһын ҡараны. Мәҙәни сараға махсус хәрби операция барышында һәләк булыусыларҙың ул-ҡыҙҙары саҡырылды. Әсәйҙәре, уҡытыусылары менән килгән балаларға башта илдең баш ҡалаһы буйлап экскурсия уҙғарылды.
Артабан улар байк-үҙәккә барып, әкиәт персонаждары ҡатнашлығындағы шоу-программа ҡараны. Белорет районы хакимиәте башлығы Андрей Иванюта «Төнгө бүреләр» Бөтә Рәсәй мотоклубы президенты Александр Залдастановҡа иғтибар күрһәткәне өсөн рәхмәт һүҙҙәрен еткереп, махсус бүләк тапшырҙы.
