1991 йылдан башлап иң түбән күрһәткескә ирешелгән, тип хәбәр итәләр Ғаилә, хеҙмәт һәм халыҡты социаль яҡлау министрлығынан. Эшһеҙлек кимәле - 2,8 процент. Был Рәсәй буйынса уртаса күрһәткестән түбәнерәк. - Иҡтисадҡа санкция баҫымы башланыу менән хеҙмәт урындарын һаҡлап ҡалыу буйынса тейешле саралар күрелде, - тине ведомство етәксеһе Ленара Иванова. Радий Хәбиров әйтеүенсә, эшһеҙлек буйынса хәлде ил президенты Владимир Путин айырым билдәләне. Шулай ҙа хәл-ваҡиғалар үҙгәреп тора, хәүеф булһа ваҡытында хәл итергә кәрәк.
