Уртаҡ көс менән. Кушнаренко районы үҙәгендә мәҙрәсә төҙөлөшөндә тотош ауыл халҡы ҡатнаша. Төҙөлөш материалдары менән тәьмин итеүҙә урындағы меценаттар ярҙам күрһәтә. Район үҙәгендәге берҙән-бер мәсет янында урынлашҡан ике ҡатлы уҡыу корпусына өс йыл элек нигеҙ һалына.
Әле бында стеналар күтәрелгән, яҡын арала түбәне ҡапларға ниәтләйҙәр. Майҙаны 100 квадрат метрҙан артҡан бинала 100-ҙән ашыу уҡыусы ислам нигеҙҙәрен үҙләштерә аласаҡ. Әлегә дини дәрестәр мәсет эсендә дауам итә.
