Өфө тотош республика үҫешенә йоғонто яһай, бында Башҡортостан киләсәге сағылыш таба. Тарих, тел һәм әҙәбиәт институты етәксеһе, философия фәндәре докторы Зөһрә Рәхмәтуллина шулай тип белдерҙе. Башҡортостан Башлығы Радий Хәбиров Өфөгә етди иғтибар бирә. “Республика баш ҡалаһы йәшәү һәм эшләү өсөн уңайлы заманса булырға тейеш. Бының өсөн күберәк торлаҡ төҙөргә, юлдар һалырға, транспорт һәм инфраструктура мәсьәләләрен хәл итергә кәрәк. Төбәк етәкселеге был йүнәлештә мөһим эштәр башҡара”, - ти Зөһрә Рәхмәтуллина.
Башҡортостан Башлығы Радий Хәбиров Өфөнөң 450 йыллығына әҙерлек буйынса кәңәшмә үткәрҙе. Республика баш ҡалаһының 450 йыллығы 2024 йылда билдәләнә. Ошо ваҡытҡа мәғариф, мәҙәни, спорт, транспорт һәм инфраструктура объекттары файҙаланыуға тапшырылырға тейеш.
