«Таҙа ярҙам» проекты сиктәрендә учреждениеға 300 мең һум аҡса бүленде. Был сумма орфан ауырыуҙары менән яфаланыусыларҙы гигиена әйберҙәре менән тәьмин итеү өсөн ҡаралған. Грант аҡсаларына хоспис хеҙмәткәрҙәре хәрәкәт итә алмаған пациенттарға памперс, шампунь, йыуыныу өсөн махсус әйберҙәр, тән кремдары еткерҙе. Өфөлә йәшәүсе Гөлнара Еникеева ла тәүгеләрҙән булып гигиена әйберҙәрен ҡабул итеп, хоспис хеҙмәткәрҙәренә рәхмәт һүҙҙәрен еткерҙе.
Өфө хоспис хеҙмәткәрҙәре «Таҙа ярҙам» акцияһы барышында 50-нән ашыу ғаиләгә гигиена әйберҙәрен еткерҙе. Дауаланмаған сирҙәр менән ауырусыларға ҡаралған ярҙам хоспистың баш табибы менән берлектә билдәләнә. Социаль хеҙмәткәрҙәр ауырыған кешеләргә ирекмән булараҡ та ярҙам күрһәтә. Психологик консультация, юридик ярҙам һәм көндәлек мәшәҡәттәрҙе еңелләштереү йүнәлешендә эш алып барыла.
