Выборгтан Тобольс ҡалаһына мотоциклда. Билдәле Рәсәй сәйәхәтсеһе Олег Капкаев мотофестиваль сиктәрендә Өфөлә туҡталды. Ҡышҡы һыуыҡта ла сәйәхәт итеүсе аҙна аҙағына юлланған нөктәһенә барып етер тип көтөлә. Байкерҙар менән Башҡортостан Хөкүмәте Премьер-министры Андрей Назаров осрашты. БЮТ хәбәрсеһе Флорида Ким дауаим итә.
Рәсәй юлдары буйлап меңәр саҡрым юл үткән сәйәхәтсе Өфөлә 8 йыл элек булған. Алыҫтан килгән ҡунаҡ баш ҡала күҙгә ташланып үҙгәреүен, төҙөкләндерелеүен билдәләй. Байкер Харлей Дэвидсон мотоциклын ҡышҡы маршрут өсөн махсус әҙерләгән - двигательгә сатлама һыуыҡта сыҙарлыҡ май ҡойолған, ныҡлы резиналы тәгәрмәстәр кейелгән.
Башҡортостан Хөкүмәте премьер-министры Андрей Назаров сәйәхәтселәрҙе сәләмләп, мотоциклистар йәмғиәтенең хеҙмәттәшлеге һәм аралашыуы дауам итергә тейеш тип белдерҙе. Премьер-министр июлдә Выборг ҡалаһында үтәсәк Балтик Ралли мотофестивален ойоштороусыға бүрек бүләп итеп мототуризм үҫешенә төбәктә лә иғтибар бүленәсәк тип белдерҙе.
Юлда төрлө хәл булыуы мөмкин, шуға ла техниканы тиҙ генә ремонтлау өсөн мотоцикл өсөн тағылма ҡаралған. Әйткәндәй, Олег Капкаев фестиваль өсөн генә түгел, хәйриә өсөн сәйәхәт итә. Чебурашка образында ул туҡталған һәр ҡалала балалар йортона инеп, кескәйҙәргә бүләктәр тарата.
Флорида Ким
