Өфөнөң балалар филармонияһында мәҙәниәт усағында эшләп килеүсе ижади коллективтар тәрбиәләнеүселәре ҡатнашлығында концерт үтте. Педагог һәм остаз йылы уңайынан ойошторолған тамашала сәхнәгә балалар ғына түгел, етәкселәре лә күтәрелде.
Тамашасы иғтибарына тиҫтәнән ашыу йыр, бейеү, акробатика һәм башҡа үҙенсәлекле номерҙар тәҡдим ителде. Өфө балалар филармонияһында иҫәпләнгән 46 төркөмдә 3 йәштән 18 йәшкә тиклем 800-гә яҡын бала шөғөлләнә. 9 коллектив - «Өлгөлө», икәүһе - «Халыҡ» исемен йөрөтә. Ойошма профессиональ кадрҙар әҙерләүгә лә тос өлөш индерә.
