Бөгөн Республика Башлығы Радий Хәбиров төбәктә тәртип һаҡлау буйынса координация советы ултырышын уҙғарҙы. Унда милли һәм федераль проекттарҙы ғәмәлгә ашырыуҙа төрлө етешһеҙлектәрҙе бөтөрөү мәсьәләләре ҡаралды. Радий Хәбиров әйтеүенсә, ҙур социаль объекттар төҙөлөшөн ваҡытында тамамларға кәрәк. Быйыл милли проекттар буйынса 7 мәктәп, 6 дауахана һәм поликлиника, 7 мәҙәниәт учреждениеһы, 17 инженер һәм транспорт инфраструктураһы объектын төҙөп бөтөү, 75 фельдшер-акушер пунктын урынлаштырыу ҡарала.
