Был турала Росреестрҙың Башҡортостан буйынса идаралығы етәксеһе Петр Клец ведомствоның коллегия ултырышында белдерҙе.
Йәмғеһе былтыр 1 миллион 800 мең теркәү эше башҡарылған. 2021 йыл менән сағыштырғанда 11 процентҡа күберәк. Ведомство етәксеһе әйтеүенсә, был күрһәткестәр буйынса республика иң әүҙем төбәктәр исемлегенә инә һәм халыҡтың һатып алыу мөмкинлеге юғары булыуы тураһында һөйләй. Күрһәтелгән хеҙмәттәрҙең сифаты буйынса ла Башҡортостан алдынғылар рәтендә. Электрон ғаризалар тапшырыу 69 процентҡа артҡан. Республикала « Киңлек мәғлүмәттәренең милли системаһы» программаһының индерелеүе лә һанлы форматҡа күсеү эшен йәнләндергән.
