Сколково инновациялар үҙәге белгестәре Өфөлә йәш эшҡыуарҙар менән осрашып уларҙың проекттарын баһаланы. Студенттар әҙерләгән стартаптарҙың байтаҡ өлөшө инвесторҙар ярҙамы менән тормошҡа ашырыласаҡ тип билдәләнде. Йәштәр тәҡдим иткән эшҡыуарлыҡ проекттарын финанслау өсөн махсус дәүләт программалары ҡаралған. Студенттарҙың башланғыстарын ғәмәлгә ашырырға ярҙам иткән физик шәхестәргә 50 процентҡа тиклем ташлама алырға була.
