Республикала быйыл һәм киләһе йылда ГТО нормативтарын тапшырыу буйынса спорт майҙансыҡтары төҙөү ҡарала. Ауыл халҡы “Демография” милли проекты буйынса физкультура һәм спорт менән шөғөлләнеү мөмкинлеге ала. Ауырғазы, Бөрө, Дәүләкән, Йылайыр, Мәсетле, Мишкә һәм Өфө райондарында бындай майҙансыҡтар асылған да инде. Төҙөлөш һәм спорт ҡоролмаларын алыу өсөн субсидия бирелә. Бөгөнгә 49 район һәм ҡалала майҙансыҡтар булдырылған.
