Ҡулланыусылар хоҡуғын яҡлау хеҙмәте етәксеһе урынбаҫары Галина Пермина ошо турала белдерҙе. “Баш ҡалала былтыр 1 мең 358 осраҡ теркәлде. Был уртаса күрһәткестәрҙән 4,7 тапҡыр күберәк. Быйыл 14 кеше сыҡҡан биҙгәге менән сирләне”, - тине ул. Вирус менән йышыраҡ 18 йәштән 60 йәшкә тиклемгеләр зарарлана. Белгестәр әйтеүенсә, Башҡортостанда сысҡан биҙгәген йоҡтороу хәүефе октябргә тиклем һаҡлана.
