Республика парламентында ошо турала закон проекты әҙерләнде. Документ авторҙары фекеренсә, йыш ҡына уңдырышлы биләмәләрҙе буръян, сүп үләндәре ҡаплай, шуға уларҙы файҙаланырға кәрәк. Әле закон буйынса ҡулланылмаған ер хужаһы өс йыл эсендә биләмәне һатып ебәрһә, яңы хужа өсөн өс йыллыҡ мөҙҙәт яңынан башлана. Закон ҡабул ителһә, файҙаланылмаған ер өсөн дөйөм өс йыллыҡ мөҙҙәт билдәләнә, унда бер ниндәй ҙә эштәр башланмаһа биләмә тартып алына.
