Бөгөн халыҡ-ара теш табиптары көнө. Ул тештәрҙең сәләмәтлегенә иғтибар йүнәлтеү, стоматологтарҙың хеҙмәтен билдәләү маҡсатында булдырыла. Шулай уҡ теш табиптары һөнәри байрамдарын 6 мартта ла билдәләй. “Кешеләргә матур йылмайыу, сәләмәтлек бүләк итә алыуым менән ҡәнәғәтмен”, ти Өфө ҡалаһының 2-се һанлы стоматология поликлиникаһы табибы – терапевт Зөлфиә Минһажева. Ул стоматолог булып 13 йыл эшләй.
