Башҡортостан ирекмәндәре Төркиәгә юлланды. Улар ер тетрәү арҡаһында зыян күргәндәргә ярҙам итә. Эҙләү-ҡотҡарыу командаһы 25 кешенән тора. Ғәҙәттән тыш хәлдәр буйынса дәүләт комитетынан белдереүҙәренсә, төркөмдә профессиональ ҡотҡарыусылар бар. Торин ҡушаматлы эт тә волонтерҙар менән бергә юлға сыҡҡан. Ул емеректәр аҫтында ҡалған кешеләрҙе табырға өйрәтелгән. Быға тиклем күп кенә ҡотҡарыу операцияларында ҡатнашҡан.
