Дума ҡарауына ошо турала закон проекты тапшырылған. Уның авторҙары әйтеүенсә, халыҡтан машина алыу буйынса мөрәжәғәттәр йыш килә. Закон ҡабул ителһә күп балалы ғаиләләргә Әсәлек капиталын Рәсәйҙә сығарылған еңел автомобиль алыуға тотонорға мөмкин була. Машинаны теркәгәндән һуң өс йыл буйы башҡа кешегә һатырға ярамай. Әле ике бала өсөн Әсәлек капиталы суммаһы 776 мең һум.
