Ошо уңайҙан ҡала һәм ауылдарҙа йәшәүселәр йыйылыштар үткәреп, көнүҙәк мәсьәләләрҙе асыҡлай. Иглин районы үҙәгендә «Урындағы башланғыстарға ярҙам программаһы»нда ҡатнашыу өсөн «Күршеләр көнө» байрамы уҙғарылды. Сағыу концерт номерҙары, уйындар менән үрелеп барған сарала урында йәшәүселәр программаның ҡағиҙәләре һәм ғариза биреү тәртибе менән танышты. Һөҙөмтәлә биш урам юлына асфальт һалыу тәҡдиме индерелде.
