Өфөлә “Халыҡ календары” тигән төбәк-ара рус фольклоры фестивале уҙа. Сара 8-се тапҡыр ойошторола. Республика халыҡ ижады үҙәге әйҙәүсе белгесе Наталья Кондакова әйтеүенсә, фестиваль йыл һайын айырым бер айға арнап үткәрелә. Быйыл февраль йолалары күрһәтелә.
Фольклор фестивалендә Силәбе, Свердловск өлкәләре, Удмурт республикаһы һәм Башҡортостандың район-ҡалаларынан коллективтар ҡатнаша. Бүздәк районы Ғафури ауылынан “Узорица” рус фольклор халыҡ ансамбле сарала беренсегә сығыш яһай. Коллектив етәксеһе Светлана Вәлиева һөйләй.
“Халыҡ календары” төбәк-ара рус фольклоры фестивале гала-концерты бөгөн Каруанһарай сауҙа-күңел асыу үҙәгендә кис ойошторола.
