Халыҡта уға мөнәсәбәт төрлө. Был көндө йәштәрҙең һөйгән һәм ҡәҙерле кешеләренә йөрәк формаһындағы хаттар – валентинкалар, сәскә гөлләмәһе, тәмлекәстәр бүләк итеүе йолаға әүерелгән. Байрам Рәсәйҙә лә таралыу алды. Ошо датаға бәйле, ҡала- райондарҙа ла күңел асыу саралары ҡаралған. Хәбәрсебеҙ халыҡтың был байрамға ҡарашын һәм уны нисек итеп үткәреүе менән ҡыҙыҡһынды.
Башҡортостанда Ғаилә, мөхәббәт һәм тоғролоҡ көнө 1 мартта билдәләнә. Бөтә донъя башҡорттары ҡоролтайы башланғысы менән был дата шулай уҡ Башҡорт ғаиләһе көнө булараҡ байрам ителә.
