Ошо уңайҙан Дәүләт Йыйылышы - Ҡоролтай бинаһында профессорҙың коллегалары, яҡындары, тәрбиәләнеүселәре, Мәскәү һәм Ҡаҙағстандан ҡунаҡтар ҡатнашлығында тантаналы сара ойошторолдо. Ғалимәне видео-бәйләнеш аша Ҡырғыҙстан, Хакас, Алтай республикалары юғары уҡыу йорттарынан коллегалары тәбрикләне. Сара Евразияның бөгөнгө тел һәм социаль-мәҙәни мәсьәләләренә арналған пленар ултырыш менән дауам итте.
Филология фәндәре докторы, профессор Луиза Сәмситова башҡорт тел ғилеме өлкәһендә тәүгеләрҙән булып лингвокультурология мәсьәләләрен күтәреп сығыусы булараҡ билдәле. Тел ғилемен яңы фекерҙәр менән байытыусы ғалимә фәнни-методик планда хеҙмәттәр өҫтөндә эшләй. Ул шулай 8 класс өсөн «Ҡушма синтаксис» дәреслеге авторы ла. Уның эшмәкәрлеге юғары наградалар менән билдәләнгән. Луиза Сәмситова юғары квалификациялы белгестәр әҙерләй: уның тәрбиәләнеүселәре мәғариф, фән, дәүләт, телевидение өлкәләрендә уңышлы эшләй.
