Ватанды һаҡлаусылар көнө уңайынан республика халҡын дүрт көн ял көтә. Медицина учреждениелары байрам көндәренә эш графигын иғлан итте. 22 февраль эш көнө бер сәғәткә ҡыҫҡартыла. 23 февралдән 26-һына тиклем поликлиникалар иртәнге һигеҙҙән көндөҙгө 5-кә тиклем эшләй, 4-кә тиклем өйгә саҡырыуҙар ҡабул ителә. Был көндәрҙә медицина тикшереүҙәре һәм оло быуын вәкилдәрен диспансерлаштырыу үткәрелә, коронавирусҡа ҡаршы прививка ла яһатырға була. “Башфармация” предприятиеһы дарыуханалары иртәнге сәғәт 10-дан эшләй.
