Унда республиканың көньяк өлөшө – Күгәрсен, Йылайыр, Ейәнсура, Көйөргәҙе, Мәләүез һәм Федоровка райондары вәкилдәре ҡатнашты. Башҡортостан етәксеһе ауыл биләмәләре башлыҡтарына хәҙерге шарттарҙа берләшеп эшләгән өсөн рәхмәт белдерҙе. Радий Хәбиров мөһим сәйәси сараларға етди әҙерләнеү бурысын ҡуйҙы. Быйыл Дәүләт Йыйылышы – Ҡоролтайға һайлау була, киләһе йылда Рәсәй Президенты һәм Республика Башлығы өсөн тауыш бирәбеҙ. Кәңәшмәлә Радий Хәбиров төбәктәге төп мәсьәләләргә айырым туҡталды. Янғын хәүефһеҙлеге, юлдар, һаулыҡ һаҡлау, эшҡыуарлыҡ, туризм, сүп-сар ташыу һәм башҡа көнүҙәк темалар буйынса фекер алышыу булды.
